Kategori: Kunning

Sunnudagin 22. mai klokkan 11.00 verður Sunnudagsskúli við sangi og bíbliusøgu í garðinum uttanfyri Føroyahúsið. Aftaná grilla vit pylsur og hugna okkum.

Í samstarv við sunnudagsskúlan á Oyrasundskollegiinum er sunnudagsskúli Føroyahúsinum sunnudagin 27 mars klokkan 11.00.

Leonard Cohen verður ofta endurgivin í átrúnarligum høpi. Tekstir hansara eru ikki sálmar, men fleiri teirra minna á mangan hátt um nútímans sálmaskaldskap. Sum í síðsta versinum í sanginum Halleluja: 

Eg royndi sum eg kundi best,
so viðbrekið og verjuleyst,
men erligt, tí eg kundi ikki bíða,
og sjálvt um alt gekk skeivan veg, 
eg standi fyri trónuni
Við ongum ørðum uttan Halleluja. 
(Leonard Cohen/Niels Midjord)

Sunnudagin 31. oktober kl. 14.00 verður gudstænasta, har tekstirnir hjá Cohen verða sungnir og spældir, í staðin fyri sálmar úr sálmabókini. Hetta ikki ein gudstænasta um Leonard Cohen, á sama hátt sum gudstænastur ikki eru um sálmaskaldini Mikkjal á Ryggi ella Kingo, hóast vit syngja teirra orð. 

Yrkingarnar hjá Cohen seta átrúnarligar kenslur í samband við gerandis tilburðir. Tær viðgera heilagt og gerandis og fáa áhoyrarin at reflektera yvir náði og skuld, kærleika og vón. Nútímans tankar um tað átrúnarliga eru á mangan hátt ørvísi enn tað vit kenna frá farnu ættarliðum. Cohen megnar í stóran mun at seta nútímans orð og samtíðarhugtøk á kenslur og tankar hjá nútímans menniskjum. Millum annað tá hann skrivar og syngur um iva, longsil og sakn. Ofta er myndamáli tikið úr Gamla Testamenti, einstakar ferðir úr Nýggja Testamenti. 

Á ein hátt er henda gudstænastan lík gudstænastum, vit eru von við. Bøn og bíbliutekstir hava sama pláss sum vanligt. Men, sum áður nevnt, verður sálmabókin ikki tikin í brúk og tónleikurin kemur ikki frá orglinum henda dagin. Organistur okkara hevur fingið tveir tónleikarar aftrat sær. Ein á guitar og ein á cello. 

Ikki allir sangir hjá Cohen egna seg til felagssang, men tveir eru valdir, har alt kirkjuliðið syngur við. At syngja hinar sangirnar hava vit tríggjar sangarar.

Føroyahúsið, Listafelagið, Kvinnufelagið og Sankta Ólavs Kirkjulið skipað fyri forkunnugum túri til Johannes Larsens Museum í Kerteminde, sum hevur eina fjølbroytta framsýning við 90 myndum hjá S.J. Mikines listamanni. Nú stendur tær í boði at koma við at síggja hesa framsýningina. Pláss er fyri 50 fólkum í bussinum.

Sunnudagin 29. august kl. 9 fara vit frá Vardegade, Hans Egede kirkju, til Vesterbrogade 17, Føroyahúsið, og síðani beinleiðis til Kerteminde, hagar vit koma eftir kl. 11.

Kl. 11.30: Tvey frásøgufólk vísa okkum runt og greiða frá. Vit ganga í tveimum bólkum, og tað tekur ein tíma.
Kl. 13.00: Leskiligur frokostur í Kaffehuset: Diskur við 4 rættum og ein flógvum rætti. Harafturat ein snapsur, ein sodavatn ella øl afturvið. 
Kl. 14-15: Stundir at hyggja meira eftir framsýningini og mongum øðrum, sum er á hesum áhugaverda savninum. 
Kl. 15.15: koyra vit heim aftur sama veg. Í Vardegade kl. 17
Í bussinum verður eisini frásøgn um túrin, onkur sangur og tónleikur.

Prísur fyri túrin er einans 300 kr. pr. pers. Við í hesum prísi eru atgongumerki til Johannes Larsen Museum, rundvísing har og frokostur í Kaffehuset.

Tú kanst tilmelda teg til túrin við at keypa billett via linkið her: https://www.place2book.com/da/sw2/sales/tqcx4zexgf

Sunnudagin 2. mai kl. 14.00 er føroysk guðstænasta aftur í Hans Egede Kirkju á Eysturbrúgv. 21. apríl vóru rætningslinjurnar fyri gudstænastur broyttar. Tað ber nú til at hava guđstænastur sum í heyst, viđ sangi og altargongd. Tó enn við frástøðu.

Tveir metrar skal vera millum okkum, tá vit syngja. Um viðrar, verður drekkamunnur í garðinum uttanfyri. 

Føroyskar gudstænastur eru fast fyrsta og triðja sunnudag í mánaðinum kl. 14.00 og tað er Borgny Brünings-Hansen, føroyskur prestur í Keypmannahavn, sum prædikar, um ikki annað er nevnt.Næsta guðstænasta er 16. mai.Hans Egedes kirkja liggur á Vardegade 14, 2100 København Ø. Metro og S-tokstødin Nordhavn, ligga nærhendis og bussarnir nr. 23 og nr. 14 steðga eisini tætt við. 

Góðu kirkjufólk

Vit høvdu glett okkum til jólagudstænastuna 2. jóladag. Hon skuldi vera í Mariukirkju á Vesturbrúgv, sum vit høvdu lænt, tí har kunna upp til 70 fólk koma til gudstænastu. 

Sum flest øll vita, hevur orðaskifti verið í mongum sóknum, um tað er ráðiligt at hava gudstænastur við nógvum fólki, nú so nógv smitta er. Eisini nevndin í Sankta Ólavs kirkjuliði hevur skift orð um hetta. Nevndin er komin til ta niðurstøðu, at best er at avlýsa gudstænastuna 2. jóladag, og komandi gudstænastur, so leingi smittutrýstið er so høgt. Vit vóna, at tit skilja okkara avgerð og kunna taka undir við okkum. Vit lýsa aftur, tá føroyskar gudstænastur byrja aftur í Hans Egedes kirkju. 

Við yndisliga sálminum Føgur er foldin, sum Tóra Vestergaard her syngur, ynskja nevnd og prestur øllum gleðilig jól.

Sunnudagin 20. december, 4. sunnudag í advent, er føroysk guðstænasta kl. 14.00 í Hans Egedes kirkju.

Vit fylgja sjálvandi øllum tilmælum frá mynduleikunum um frástøðu og reinføri. GG. Mynduleikarnir tilmæla nú, at munnbind verður brúkt inn í og út úr kirkjuni. Tá vit sita, er einki krav um munnbind. Við galdandi tilmælum er ikki gjørligt at hava drekkamunn eftir gudstænastuna, sum vit plaga.

Um einki annað er nevnt, eru gudstænasturnar við Borgny Brünings-Hansen, føroyska prestinum í Keypmannahavn.

Føroyskar guðstænastur eru fast fyrsta og triðja sunnudag í mánaðinum kl. 14.00. 2. jóladag, 26. december, verður guðstænasta í Mariakirkjuni á Vesterbro. Vit hava lænt hesa kirkjuna, fyri at fáa betri pláss. Nærri verður lýst um hetta seinni.

Hans Egedes kirkja liggur á Vardegade 14, 2100 København Ø. Metro og S-tokstødin Nordhavn, liggur nærhendis og bussarnir nr. 23 og nr. 14 steðga eisini tætt við.

Komandi sunnudag, 7. juni, kl. 14.00 letur Hans Egedes kirkja aftur dyrnar upp fyri føroyskum gudstænastum. Vit fylgja sjálvandi øllum tilmælum frá mynduleikunum um frástøðu og reinføri. Altargongdin verður eisini skipað soleiðis, at hon fylgir tilmælunum. 

Vit plaga altíð at hava ein drekkamunn aftaná gudstænastuna, men hesum bíða vit við, inntil mynduleikarnir boða frá, at fleiri kunnu savnast. Vónandi longu næstu ferð vit hava gudstænastu. 

Føroyskar gudstænastur eru fast fyrsta og triðja sunnudag í mánðinum kl. 14.00. Á sumri 2020 eru gudstænastur hesar dagar: 

Sunnudagin 7. juni
Sunnudagin 21. juni
Sunnudagin 5. juli
Sunnudagin 19. juli
Sunnudagin 2. august
Sunnudagin 16. august

Allar dagar kl. 14.00. Um einki annað er nevnt, eru gudstænasturnar við Borgny Brünings-Hansen, føroyska prestinum í Keypmannahavn. 
Hans Egedes kirkja liggur á Vardegade 14, 2100 København Ø. Metro og S-tokstødin Nordhavn liggur nærhendis og bussarnir nr. 23 og nr. 14 steðga eisini tætt við.

Guðstænastan sunnudagin 15. mars og tiltakið um Honnu Arendt 22. mars eru avlýst. Niðanfyristandani skriv er sent út til allar kirkjur í Danmark, og vit í Sankta Ólavs kirkjuliði fylgja hesum. Tey, ið hava tørv á at fáa fatur á presti, kunnu venda sær til Borgny Brünings-Hansen á tlf. 51355190 ella bbh@km.dk sum vant.

Biskopperne følger regeringens beslutning om at indstille alle offentlige institutioners indendørsaktiviteter. Det betyder, at alle gudstjenester aflyses indtil videre. Kirkelige handlinger som dåb, begravelser og vielser kan stadig afholdes, men ikke i forbindelse med gudstjenester og uden offentlig adgang. Det sker for at forebygge Corona-smittespredning og dermed tage hensyn til de svageste borgere.

Alle gudstjenester er aflyst, indtil videre i de kommende 14 dage Landets præster vil fortsat være tilgængelige for mennesker, der har brug for det. Sjælesorg til syge og andre udsatte grupper over Skype eller telefon vil desuden blive styrket. Der er desuden tilknyttet ekstra præster til Sjælesorg på nettet, som er folkekirkens eksisterende tilbud om en fortrolig samtale med en præst på internettet.

”Vit eru dømd til at vera fræls við tað, at vit eru fødd. Sama ger, um okkum hóvar frælsi, ella vit hava andstygd fyri tilvild tess, eru nøgd við tað ella okkum hóvar betur at sleppa undan tess øgiligu ábyrgd við at venda okkum til eina ella aðra lagnutrúgv.” (Arendt 1978)

Petra Johnsdóttir hugleiðir um Hannah Arendt, og fer í sínum fyrilestri at hyggja gjøllari at ástøðinum hjá Arendt um viljan.

Ábyrgd er tann reyði tráðurin í verkunum hjá Arendt. Vit standa til svars fyri gerðum okkara – vit hava ábyrgdina av teimum. Somuleiðis ger Arendt vart við, at vit hava okkara fría vilja at velja hvørjar gerðir, vit vilja fremja. Vit kunnu ikki sleppa undan ábyrgdini við at vísa á, at vit bert gjørdu eftir boðum, sum okkum vóru givin.

Ábyrgdin av okkara gerðum er okkara, sama ger, hvørji stjórnarskipan vit liva undir. Tey grundleggjandi lívskorini hjá hvørjum einstakum eru, at vit eru borin inn í henda heim, sum vit hava í felag. Vit hava okkara fría vilja at nýskapa í hesum heimi. Viljin gevur okkum frælsi at fara til verka. Í tilvitskulívi okkara er viljin tann parturin, sum lítur frameftir, lítur ímóti framtíðini, har vit kunnu fara til verka.

Mong menniskju vilja ikki kennast við tað frælsið, sum tann fríi viljin ber við sær. Tey vilja sleppa undan tí øgiligu ábyrgdini av tí fría viljanum við at venda sært til eina ella aðra lagnutrúgv. Hóast Arendt er stúrin og hevur trega av hesum, trýr hon samstundis, at menniskjum stendur í boði at skapa okkurt nýtt, skapa ein betri heim at liva í.

Hannah Arendt (fødd í Linden, Hannover 1906, deyð í New York 1975) var týsk-amerikanskur jødi. Hon var ein av heimsins størstu heimsspekingum í 20. øld. Arendt var útbúgvin innan filosofi, teologi og klassiska filologi á lærdum háskúlum í Týsklandi.

Petra Johnsdóttir Joensen (f. 1945) er útbúgvin løgfrøðingur og fór í 2014 at lesa heimsspeki á KU. Eisini hevur hon holla útbúgving í leiðslu. Petra hevur havt mong leiðandi størv í fleiri donskum kommunum, verið starvsfólkastjóri á stovninum Filadelfia í Dianalund og stjóri á Almmannaverkinum í Føroyum (fyrr Almannastovan). Petra, sum er eldhugað innan sosial mál, hevur skrivað fleiri ritgerðir og blaðgreinar innan hetta málsøkið og hevur eisini luttikið við framløgum á nógvum ráðstevnum.