Aðalfundur

Hervið verður boða frá, at árligi aðalfundurin í Sankta Ólavs kirkjuliði verður sunnudagin 15. november 2020 aftaná gudstænastuna. Fundurin verður hildin í meinigheitshølinum í Hans Egede kirkju.

Fundarskráin til aðalfundin verður hendan:

  1. Val av fundarstjóra
  2. Val af fundarskrivara
  3. Góðkenning av fundarskrá
  4. Formansfrágreiðing
  5. Framløga av rokniskapi
  6. Val sambært viðtøkunum
  7. Innkomin uppskot
  8. Annað (tað er ikki møguligt at viðtaka nakað undir hesum punktinum)

Um onkur ynskir at stilla upp til nevndina, so skal formaðurin Martin Fjallstein hava boð um í seinasta lagi 5. november 2020 kl. 16:00.

Vegna Sankta Ólavs kirkjulið

Martin Fjallstein, formaður

Tlf. 2097 9568 E-mail: martin(a)fjallstein.dk

Viðvíkjandi kirkjukaffi eftir guðstænastuna

Grundađ høga smittutrýstiđ í høvuđstađarøkinum í løtuni, hevur kirkjuráđiđa tikiđ avgerđ um ikki at samlast til drekkamunn eftir guđstænasturnar. Tí verđur einki kirkjukaffi nú sunnudagin.
Føroysku guđstænasturnar halda fram sum vant og næstu ferđ er í morgin 20. september, kl. 14.00 í Hans Egedes kirkju.
Vit fylgja sjálvandi øllum tilmælum frá mynduleikunum um frástøðu og reinføri. Altargongdin verður eisini skipað soleiðis, at hon fylgir tilmælunum.
Um einki annað er nevnt, eru guđstænasturnar við Borgny Brünings-Hansen, føroyska prestinum í Keypmannahavn.
Føroyskar guđstænastur eru fast fyrsta og triðja sunnudag í mánaðinum kl. 14.00. Á heysti 2020 eru gudstænastur hesar dagar:
Sunnudagin 20. september
Sunnudagin 4. oktober
Sunnudagi 18. oktober
Sunnudagin 1. november
Sunnudagin 15. november
Hans Egedes kirkja liggur á Vardegade 14, 2100 København Ø. Metro og S-tokstødin Nordhavn, liggur nærhendis og bussarnir nr. 23 og nr. 14 steðga eisini tætt við.

Koncert í Hans Egedes kirkju

Koncert í Hans Egedes kirkju sunnudagin 13. september kl. 14.00 við verkum eftir Kára Bæk í samband við at hann fyllir 70 ár.

Luttakarir: Daisy Johannesen Lolk, sopran, Jóannes Nolsøe, orgul. Sangarar úr Húsakórinum, undir leiðslu av Tóru Vestergaard. 

Jóannes Nolsøe, stigtakari til koncertina til heiðurs fyri Kára Bæk, sigur “Eg velji at trúgva tað verða óneyðugt at grundgeva, hví stig verður tikið til at skipa fyri hesi heiðursløtu. Í øllum førum vita øll, sum fáast við kórsang, hvønn leiklut og týdning Kári Bæk í mong ár hevur havt og framvegis hevur fyri føroyskt tónleika- og kórvirksemi. – Fyri hetta hansara arbeiði kunnu vit við slíkari heiðursløtu veita honum eina uppiborna tøkk!

Grunda av tilmælunum í samband við Coronusmittuna, eru avmarka pláss til áhoyrarar í kirkjuni. Fyri at sleppa undan, at nakar kemur til dyrnar og ikki fær pláss, fara vit at heita á tykkum at boða frá luttøku. Til ber at skriva teldupost til Borgny Brünings-Hansen á bbh@km.dk ella á telefon 51 35 51 90.

Hans Egedes kirkja letur aftur dyrnar upp fyri føroyskum gudstænastum

Komandi sunnudag, 7. juni, kl. 14.00 letur Hans Egedes kirkja aftur dyrnar upp fyri føroyskum gudstænastum. Vit fylgja sjálvandi øllum tilmælum frá mynduleikunum um frástøðu og reinføri. Altargongdin verður eisini skipað soleiðis, at hon fylgir tilmælunum. 

Vit plaga altíð at hava ein drekkamunn aftaná gudstænastuna, men hesum bíða vit við, inntil mynduleikarnir boða frá, at fleiri kunnu savnast. Vónandi longu næstu ferð vit hava gudstænastu. 

Føroyskar gudstænastur eru fast fyrsta og triðja sunnudag í mánðinum kl. 14.00. Á sumri 2020 eru gudstænastur hesar dagar: 

Sunnudagin 7. juni
Sunnudagin 21. juni
Sunnudagin 5. juli
Sunnudagin 19. juli
Sunnudagin 2. august
Sunnudagin 16. august

Allar dagar kl. 14.00. Um einki annað er nevnt, eru gudstænasturnar við Borgny Brünings-Hansen, føroyska prestinum í Keypmannahavn. 
Hans Egedes kirkja liggur á Vardegade 14, 2100 København Ø. Metro og S-tokstødin Nordhavn liggur nærhendis og bussarnir nr. 23 og nr. 14 steðga eisini tætt við.

Guðstænastan sunnudagin 15. mars og tiltakið um Honnu Arendt 22. mars eru avlýst.

Guðstænastan sunnudagin 15. mars og tiltakið um Honnu Arendt 22. mars eru avlýst. Niðanfyristandani skriv er sent út til allar kirkjur í Danmark, og vit í Sankta Ólavs kirkjuliði fylgja hesum. Tey, ið hava tørv á at fáa fatur á presti, kunnu venda sær til Borgny Brünings-Hansen á tlf. 51355190 ella bbh@km.dk sum vant.

Biskopperne følger regeringens beslutning om at indstille alle offentlige institutioners indendørsaktiviteter. Det betyder, at alle gudstjenester aflyses indtil videre. Kirkelige handlinger som dåb, begravelser og vielser kan stadig afholdes, men ikke i forbindelse med gudstjenester og uden offentlig adgang. Det sker for at forebygge Corona-smittespredning og dermed tage hensyn til de svageste borgere.

Alle gudstjenester er aflyst, indtil videre i de kommende 14 dage Landets præster vil fortsat være tilgængelige for mennesker, der har brug for det. Sjælesorg til syge og andre udsatte grupper over Skype eller telefon vil desuden blive styrket. Der er desuden tilknyttet ekstra præster til Sjælesorg på nettet, som er folkekirkens eksisterende tilbud om en fortrolig samtale med en præst på internettet.

Viljin og ábyrgdin – Hannah Arendt Sunnudagin 22. mars 2020 kl. 14.00-16.00

”Vit eru dømd til at vera fræls við tað, at vit eru fødd. Sama ger, um okkum hóvar frælsi, ella vit hava andstygd fyri tilvild tess, eru nøgd við tað ella okkum hóvar betur at sleppa undan tess øgiligu ábyrgd við at venda okkum til eina ella aðra lagnutrúgv.” (Arendt 1978)

Petra Johnsdóttir hugleiðir um Hannah Arendt, og fer í sínum fyrilestri at hyggja gjøllari at ástøðinum hjá Arendt um viljan.

Ábyrgd er tann reyði tráðurin í verkunum hjá Arendt. Vit standa til svars fyri gerðum okkara – vit hava ábyrgdina av teimum. Somuleiðis ger Arendt vart við, at vit hava okkara fría vilja at velja hvørjar gerðir, vit vilja fremja. Vit kunnu ikki sleppa undan ábyrgdini við at vísa á, at vit bert gjørdu eftir boðum, sum okkum vóru givin.

Ábyrgdin av okkara gerðum er okkara, sama ger, hvørji stjórnarskipan vit liva undir. Tey grundleggjandi lívskorini hjá hvørjum einstakum eru, at vit eru borin inn í henda heim, sum vit hava í felag. Vit hava okkara fría vilja at nýskapa í hesum heimi. Viljin gevur okkum frælsi at fara til verka. Í tilvitskulívi okkara er viljin tann parturin, sum lítur frameftir, lítur ímóti framtíðini, har vit kunnu fara til verka.

Mong menniskju vilja ikki kennast við tað frælsið, sum tann fríi viljin ber við sær. Tey vilja sleppa undan tí øgiligu ábyrgdini av tí fría viljanum við at venda sært til eina ella aðra lagnutrúgv. Hóast Arendt er stúrin og hevur trega av hesum, trýr hon samstundis, at menniskjum stendur í boði at skapa okkurt nýtt, skapa ein betri heim at liva í.

Hannah Arendt (fødd í Linden, Hannover 1906, deyð í New York 1975) var týsk-amerikanskur jødi. Hon var ein av heimsins størstu heimsspekingum í 20. øld. Arendt var útbúgvin innan filosofi, teologi og klassiska filologi á lærdum háskúlum í Týsklandi.

Petra Johnsdóttir Joensen (f. 1945) er útbúgvin løgfrøðingur og fór í 2014 at lesa heimsspeki á KU. Eisini hevur hon holla útbúgving í leiðslu. Petra hevur havt mong leiðandi størv í fleiri donskum kommunum, verið starvsfólkastjóri á stovninum Filadelfia í Dianalund og stjóri á Almmannaverkinum í Føroyum (fyrr Almannastovan). Petra, sum er eldhugað innan sosial mál, hevur skrivað fleiri ritgerðir og blaðgreinar innan hetta málsøkið og hevur eisini luttikið við framløgum á nógvum ráðstevnum.

Jólatræ og jólaheilsur í Hans Egedes Kirkju

Jólatræ og jólaheilsur í Hans Egedes Kirkju 3. sunnudag í advent
Jólahugni fyri alla familjuna í Hans Egedes kirkju sunnudagin 15. december kl. 14.00. Lusiagonga, solo- og felagssangur og jólasøga í kirkjuni. 


Aftaná dansa vit um jólatræið og fáa vitjan av jólamanninum. Høvi verður at senda jólaheilsur. 

Kirkjan liggur á Vardegade 14, 2100 København Ø. S-tokstøðin Nordhavn liggur umleið 5 minuttir frá kirkjuni til gongu og bussar nr. 23 og 14 steðga tætt við. Metrostatiónin Poul Henningsens Plads liggur eisini í umráðnum.

Barnaguðstænasta 10. novembur kl. 11.00 í Hans Egedes kirkju.

Kom inn í flotta tjaldið og hoyr og síggj søgur úr bíbliuni.

Aftaná guðstænastuna bjóda vit ein barnavinaligan frokost.
Kirkjan liggur á Vardegade 14, 2100 København Ø. S-tokstøðin Nordhavn liggur umleið 5 minuttir frá kirkjuni og bussarnir 14 og 23 steðga tætt við. Metrostatiónin Poul Henningsens Plads er eisini í umráðnum.
Tekning er ikki neyðug, men vit høvdu verid glað fyri, um tit kunnu siga frá á 51 35 51 90 ella á messenger Borgny Brünings-Hansen. So fáa vit eina ábending um, hvussu nógv vit skulu keypa inn til.

Árligi aðalfundurin

Hervið verður boða frá, at árligi aðalfundurin í Sankta Ólavs kirkjuliði verður sunnudagin 17. november 2019 aftaná gudstænastuna (kl. 15.30). Fundurin verður hildin í meinigheitshølinum í Hans Egede kirkju.

Fundarskráin til aðalfundin verður hendan:

  1. Val av fundarstjóra
  2. Val af fundarskrivara
  3. Góðkenning av fundarskrá
  4. Formansfrágreiðing
  5. Framløga av rokniskapi
  6. Val av trimum nevndarlimum og einum tiltakslimi.
  7. Innkomin uppskot
  8. Annað (tað er ikki møguligt at viðtaka nakað undir hesum punktinum)

Um onkur ynskir at stilla upp til nevndina, so skal formaðurin Martin Fjallstein hava boð um í seinasta lagi 7. november 2019 kl. 16:00.

Uppskot til broytingar av viðtøkum skulu verða formanninum í hendi í seinasta lagi 27. oktober 2019 kl. 16:00.

Vegna Sankta Ólavs kirkjulið

Martin Fjallstein, formaður

Tlf. 2097 9568 E-mail: martin@fjallstein.dk