Greinar

Fyrsta hvítusunnudag

Fyrsta hvítusunnudag, 20. mai, er guðstænastan saman við danska kirkjuliðinum. Legg til merkis, at at hendan guðstænastan er kl. 12.00, og ikki sum vant kl. 14.00. Aftaná guðstænastuna er frokostur, har øll eru vælkomin.

Sankta Ólavs kirkjulið skipar fyri bussútferð í mai.

Sunnudagin 13. mai skipar Sankta Ólavs kirkjulið fyri bussútferð til Gásatornið í Vordingborg og Dómkirkjuna í Maribo, ið eru borg og kirkja úr miðøldini.

Vit fara kl. 09.00 frá Føroyahúsinum í stórum og góðum bussi, við føroyskum førara, til Vordingborg. Har síggja vit Gásatornið, sum er borgin hjá Valdemar Atterdag. Virgar Dalsgaard sigur frá søguni hjá staðnum og vit njóta vøkru náttúruna. Á hesum vakra og søguliga stað fáa vit frokost við smurdum breyði.

Síðan gongur leiðin suður á Lolland, til Maribo. Her síggja vit dómkirkjuna, sum upprunaliga var Birgittinaraklostur. Í Maribo er eisini kaffimuður, áðrenn leiðin gongur heimaftur. Væntandi eru vit aftur í Keypmannahavn kl. 18.00.

Prísurin er 200,- krónur pr. høvd, her er er íroknað atgongd til Gásagornið, frokost og kaffi v/køku. Børn undir konfirmatiónsaldur sleppa ókeypis, og ung undir útbúgving til hálvan prís.

Tekning í seinasta lagi sunnudagin 06. mai til jovina(a)adslhome.dk, bbh(a)km.dk ella mobil 51 35 51 90.

Goldið verður í bussinu eftr fráferð, kontant ella við MobilPay.

Bussútferð mai 2018

 

Barnaguðstænasta 22. apríl

Sunnudagin 22. apríl klokkan 14.00 verður føroysk barnguðstænasta í Natanaels kirkju, Holmbladsgade 19.

Kom og hoyr um, hvussu tað gekst, tá hægsta tornið í heiminum skuldi byggjast. Guðstænastan varir umleið hálvan tíma, og vit syngja sálmar og sunnudagsskúlasangir.

Aftaná bjóða vit okkurt leskiligt. Fyri at vita, hvussu nógv vit nøkulunda vera, kunne tit siga irá á FB síðuni hjá sunnudagsskúlanum, ella senda ein sms til 51 35 51 90. Tit er vælkomin, stór og smá, sjálvt um tit ikki hava sagt frá.

Vit gleða okkum at síggja tykkum!

Sunnudagsskúlin á Oyrasundskolleginum og føroyski presturin í Keypmannahavn.

Guðstænasta og prestavitjan 15. apríl

Sunnudagin 15. apríl er føroysk guðstænasta í Hans Egede kirkju. Føroya biskupur, Jógvan Fríðriksson, prædikar og Borgny Brünings-Hansen, hevur altartænastuna.
Føroysku sóknarprestarnir eru i døgunum 14.-17. apríl á námsferð til Keypmannahavnar og í hesum sambandi luttaka tey í føroysku guðstænastuni. Les meira um námsferðina fra Jógvan Fríðriksson, biskupur, her.
Aftaná er sum vant ein drekkamuður í kirkjustovuni, har høvi er at fáa eitt hugnaligt prát.
Kirkjan liggur á Vardegade 14, 2100 København Ø. S-tokstøðin Nordhavn liggur umleið 5 minuttir frá kirkjuni og bussarnir 3A, 8A og 37 steðga tætt við.
Føroyskar guðstænastur eru altíð 1. og 3. sunnudag í mánaðinum í Hans Egede Kirkju. Í mai eru guðstænasturnar 6. og 20 mai. 20 mai er hvítusunna og henda dagin er felagsguðstænasta við danska kirkjuliðið. Gevi gætur, at henda guðstænastan er kl. 12.00. Eftir guðstænastuna hvítusunnudag, er felags frokostur.

Guðstænasta páskadag

Páskadag, sunnudagin 1. apríl, er føroysk guðstænasta kl. 14.00 í Hans Egede Kirkju á Eysturbrúgv. Borgny Brünings-Hansen hevur guðstænastuna.
Aftaná er sum vant ein drekkamuður í kirkjustovuni, har høvi er at fáa eitt hugnaligt prát.
Kirkjan liggur á Vardegade 14, 2100 København Ø. S-tokstøðin Nordhavn liggur umleið 5 minuttir frá kirkjuni og bussarnir 3A, 8A og 37 steðga tætt við.
Føroyskar guðstænastur eru altíð 1. og 3. sunnudag í mánaðinum í Hans Egede Kirkju. Næstu ferð er sunnudagin 15. apríl og henda dagin fáa vit vitjan av føroyskum prestum. Føroya biskupur, Jógvan Fríðriksson prædikar.

Sunnudagin 18. mars er føroysk guðstænasta

Sunnudagin 18. mars er føroysk guðstænasta aftur í Hans Egede Kirkju á Eysturbrúgv. Sunnudagurin ber heiti Boðanardagur Mariu og teksturin er lovsangur, ið Maria ber fram, eftir at einglaboðini eru givin henni. Myndin er málað av Joakim Skovgaard og hongur í Davids kirkjuni, sum liggur tætt við Hans Egedes kirkju. Altartalvan er komin til Davids kirkju frá Mariæ kirkesal, sum lá í húsinum á Vesterbrogade 17, har Føroyahúsið nú er.
Eftir guðstænastuna er sum vant ein drekkamunnur í kirkjustovuni, har høvi er at fáa eitt hugnaligt prát.
Kirkjan liggur á Vardegade 14, 2100 København Ø. S-tokstøðin Nordhavn liggur umleið 5 minuttir frá kirkjuni og bussarnir 3A, 8A og 37 steðga tætt við.
Føroyskar guðstænastur eru altíð 1. og 3. sunnudag í mánaðinum í Hans Egede Kirkju. Í apríl eru guðstænasturnar páskadag, 1. apríl og sunnudagin 15. apríl. Sunnudagin 15. apríl fáa vit vitjan av føroyskum prestum og Føroya bispur prædikar.

Guðstænasta og framsýning av vatnlitsmyndum

Sunnudagin 4. mars er føroysk guðstænasta í Hans Egede kirkju kl. 14.00. Ólavur Eysturdal prædikar og Borgny Brunings-Hansen hevur altartænastuna.

Eftir guðstænastuna verður høvi at síggja vatnlitsmyndir av føroyskum kirkjum sum danski arkitekturin og listamaðurin Holger Jensen teknaði.

Framsýningin byrjar við, at Borgny Brunings-Hansen sigur stutt frá um føroyska kirkjubyggisøgu. Ein drekkamunnur verður sum vant eisini at fáa.

Reformatiónin – árin og áhugi í okkara tíð

Reformatiónin – árin og áhugi í okkara tíð

Temadagur í samband við at 500 ár eru liðin, síðani Martin Luther kunngjørdi teir 95 setningarnar, ið seinni gjørdust grundarlagið undir reformatiónini.

Tiltakið verður skipað við stuttum fyrilestrum við hvør sínum evni. Hvørt evni verður viðgjørt, sum tað sá út fyri 500 árum síðan og eftir hetta við nútíðareygum. Hevur hetta evnið áhuga í okkara tíð? Hevur tað ávirkað samfelag ella tankar hjá okkum, sum nú, 500 ár seinni, búleikast í Europa? Høvi verður at seta Pallborðsluttakarunum spurningar og skifta orð við teir um evnið.

Luttakarar:
Hans Andrias Sølvará, dekanur, Ph.d., undirvísingarleiðari í søgu: Reformatiónin – siðaskiftið.
Um tann týdning reformatiónin fekk fyri menningina fram ímóti tí verðsliga, 
fjølbroytta og tollynta samfelagnum, sum er kent vestanfyri í dag.

Jákup Reinert Hansen, Ph.d., lektari í kirkjusøgu: Reformatiónin – religiøs praksis.
Reformatiónin í Føroyum varð vovin inn í gerandisdagin hjá fólki, serliga heima við hús, við frálæru, lestri, bøn og sálmasangi. Hetta var tað almenna prestadømið. Hvønn týdning hevur tað almenna prestadømið í dag?

Borgny Brünings-Hansen, prestur, og Erla Højsted, sálarfrøðingur: Stríðið at fáa góðkenning frá Guði – og øðrum menniskjum: Hvussu finni eg ein náðigan Guð? Henda spurningin stríddist Luther við í kleystrinum. Hann trúði, at ein serligur levnaður má vera fyri at verða góðtikin av Guði. Henda leiðin førdi tó ikki Luther nærri tí Guði, sum hann leitaði eftir. Enn leita menniskju eftir eini lívsførslu, sum kann fáa tey at kenna, at tey eru góðtikin . Hvørjar leiðir ganga vit, og hvørjar spurningar seta vit fyri at finna svar?

Sjálvboðin at gera ein drekkamunn í okkara kirkju

Sjálvboðin at gera ein drekkamunn í okkara kirkju

Kanst tú vera við til at gera ein drekkamunn eftir gudstænasturnar? 

Fólk, sum eru í kirkju, eru fegin um at fáa ein kaffimunn og okkurt afturvið, meðan tey sita og fáa eitt prát, áðrenn tey fara heimaftur. Hetta er sjálvboðið arbeiði. Tað er lagt soleiðis til rættis, at eini 2 fólk eru saman um tað og í mesta lagið bert eina ferð í hvørjum ársfjórðingi. Í køkinum er økk neyðug útgerå og góð uppvaskimaskina.

Uppgávan er:

  • At møta ein tímans tíð árðrenn guðstænastuna, sum byrjar kl. kl. 14, og seta kaffi og te útá til eini 30-40 fólk.
  • At baka Kaku ella breyð/bollar og hava okkurt afturvið. Tað ber eisnini til at keypa hetta, Kirkjuliðið rindar útreiðslurnar.
  • At borðreiða á rulliborði. Vít búka einnýtisservicu ella steintoy; brúka vit steintoy, skal tað vaskast upp, áðrenn vit fara.
  • At rudda av í stovuni og køkinum eftir drekkamunnin. Alt liðugt umleið kl. 16.30 – 17.00.

Hevur tú hug til at taka hond í, skalt tú venda tær til formannin Jovinu Dalsgaard (Jovina@adslhome.dk) tlf. 27335761 aftaná kl. 17:00 ella skrivaran Oddur Hansen (oddurhansen@hotmail.com)

Barnaguðstænasta í Hans Egede Kirkju sunnudagin 30. apríl kl. 11.00

Barnaguðstænasta í Hans Egede Kirkju sunnudagin 30. apríl kl. 11.00

Guðstænasta varir umleið ein hálvan tíma. Vit syngja sunnudagsskúlasangir, ein sálm og hoyra søguna um, hvussu Pætur gjørdist lærusveinur hjá Jesusi.

Eftir guðstænastuna bjóða vit barnavinaligan frokost. Fyri at vita nøkulunda hvussu nógv vit vera, hevði verið gott um tit kundu melda tykkum til á bbh@km.dk ella sms 51 35 51 90 og skrivað hvussu nógv vaksin og børn tit vera.

Vit gleða okkum at síggja tykkum!