Føroyska kirkjuliðið í Keypmannahavn er stovnað av Gudmundi Bruun í 1915. Eftir hann liggja fleiri týddir sálmar og lestrabókin Ljósið rann av kærleiks runni.

Jákup Reinert Hansen sigur frá um lív Gudmunds. Adventin er í nánd og vit fara at syngja nakrar av hansara adventssálmum og hoyra, hvussu hann hugleiðir um jólini, uttanlendis og heima.

Steðgur er í hálvan tíma undir fyrilestrinum, har kirkjuliðið bjóðar drekkamunn við onkrum góðum afturvið.

Fyrilesturin er ókeypis og øll eru hjartaliga vælkomin.